• Nov
    14

    Skype Online Class

    Skype Online Class

    Pathian khuakhan hi khuaruahhar a si. Ram dang ah kan miphun an kal tikah voi tampi cu Pu Sawm Hei hla bang an kal lai kan i thlahnak Kaa-Keih            ah ngaihchiatnak mitthli tamtuk a luang. Asinain cu mitthli cu Pathian nih lawmhnak mitthli ah a can ter. Lai Baptist Church, DC Region i mino nih CCU i BAE le BBA siangngakchia kha cacawn Nikhat Ni in Ninga Ni tiang zinglei sml 8:30 – 9:30 suimilam pakhat chung ni fatin skype in ca an chimh hna. Kan fale caah san a tlaih zia le a hlawk zia cu hmurka in chim khawh lo tiang khi a si. An cung ah kan i lawm ngaingai. Online in cachimh hi 2014 in kan thawk. Skype tlam a tlin khawh nakhnga internet bunhnak a kan bawmtu bik cu Roger Strait Foundation a si.

    Tu kum 2019-2020 Academic Year Second Semester zong a thar in kai hram kan thawk than cang. Cawnnak ah a tlam a tling khawh deuh nak ding caah LBC DC mino (Youths) pawl nih Internet Connection a that deuh nak hnga an kan bawmh. An cungah lunglawmh nak tampi kan ngei.